بندق وبندقه

الشاطر بندق: كان يملك مشروعا صغيرا ولكن دخله كبير بالاضافه لبحثه عن وظيفه
الاميره بندقه:اجمل وارق ملكه فى الكون أعطت بندق الحنان والعطف
احب بندق بندقه عندما تقابلو لاول مره واستمر الحب لمدة عام ونصف
كانو اسعد مخلوقين فى الكون

امثله من حياتهم:

*كانو يمرحون ويلعبون ويخافون على بعض
*كانو شديدى الغيره على بعض
*كانو يحلمون وتعاهدو ببعض العهود
*عوضته بندقه عن امه الذى حرم منها وهو طفل

امثله من احلامهم:

*كان الشاطربندق يملك بيتا صغيرا عرض عليها بيعه وشراء بيت اكبر بمكان اخر فرفضت وقالت له انهم سيجعلو هذا البيت جنه وسيصبح بهم قصرا
*حلموا بانهم سينجبون بنتا ويسموها باسم امه الراحله

امثله من عهودهم:

*عاهدته بندقه انها لن تكون لاحد غيره مهما كانت الظروف والضغوط
*تعاهدو امام الله انهم متزوجون

نبذه عن القصه:

كان الاثنين يحلمون بيوم زواجهم وكان بندق مستعد للتقدم لخطبتها ولكن كانت بندقه قالت له انه اذا لم يكن موظفا فلن يقبلوه.فبحث بندق على وظيفه دون جدوى.حتى جاء اليوم الموعود
قالت له بندقه انه يوجد عريس متقدم لخطبتها من طرف احدى قريباتها.وقالت له وطمأنته انها ستفى بوعدها وترفضه .حتى جاء اليوم المحدد لمجيئه وفى هذه الاثناء وجد بندق وظيفه فى احدى الوزارات وفى اليوم الموعود فى الليل اتصل بندق بها

بندق:ايه الاخبار
بندقه:مرحبين بيه بشكل يخوف
بندق:بس انتى رفضتى طبعا
بندقه:لا ضاغطين عليا
بندق:نعم؟؟؟طيب انتى هتعملى ايه
بندقه:مش عارفه
بندقه:معايا ويتينج جارتنا
بندق:مش وقته
بندقه:هما حددو معاد الخطوبه بعد شهر
بندق:يعنى ايه انتى ضعتى منى اعملى حاجه
بندقه:معايا ويتينج واحده صاحبتى
بندق:مش وقته
بندقه:اقفل بسرعه علشان اختى جايه
ويغلق الخط وينتظر بندق نصف ساعه ويعاود الاتصال ليجدها مشغوله لمدة ساعتين على الموبايل حتى نجح فى الكلام معها
بندق:كنتى بتكلمى مين
بندقه:اختى هى اللى كانت بتتكلم مش انا
بندق:احلفى
بندقه:مش هحلف
بندق:والمصحف لتقولى كنتى بتكلمى مين
بندقه:مانتا هتزعل
بندق:هو؟؟؟؟؟؟؟
بندقه:ايوه
بندق:ازاى
بندق:بندقه روحى لاختك دلوقتى وقوليلها انك مش موافقه
بندقه:مش هقدر
ثم يقطع الخط ويتصل بندق مره اخرى ليجدها مشغوله ثانيا
يتصل ثانيا
بندق:ايه اللى بيحصل ده انتى ازاى تكلميه
بندقه:غصب عنى اختى هى اللى بتجبرنى
بندق:يعنى ايه
بندقه:كل شى اسما ونصيب
بندق:يعنى هتبعينى
بندقه:غصب عنى
بندق:لا انتى معملتيش حاجه عشانى
ويقطع الخط مره اخرى

يكلمها ثانية
بندق:انتى خلاص بعتينى
بندقه:لا بس حسيت ان ده هيبسط اهلى
بندق:وانا
بندقه:كل شئ اسمه ونصيب
بندق:انا كلمت بابا وهاجى اتقدملك بعد بكره
بندقه:مش هينفع نرتبط
بندق :لو خيروكى بينى وبينو
بندقه:لو بقلبى هختارك لو عقلى هختارو هو انسان محترم
بندق:يانهار اسود انتى بتبعينى
بندقه:لو بتحبنى سبنى
بندق:واللى بينا احلامنا ذكرياتنا هتنسى بالساهل كدا
بندقه:لو سمحت كفايه
بندق: لا مش كفايه
بندقه: لو هتتصل تانى هغير رقمى
بندق:للدرجه دى طيب ليه انا عملت ايه استاهل عليه كل ده
بندقه:ده نصيبى
بندق:بس انا من غيرك هضيع دانا عايش علشانك ماليش غيرك ده انتى حلمى
بندقه :كفايه
بندق:لا مش كفايه انا عامل زى اللى محكوم عليه بالاعدام بيعمل اى حاجه علشان ميموتش
بندقه:بص هو قاللى انو مش هيزعقلى كل شويه زى مانت بتعمل
بندق:بقيت وحش انا كدا
بندقه:وحلمت انه هو ده انسان مناسب عملت استخاره
بندق:وانا ايه طلعت تعبان طيب ليه من سنه ونص معملتيش استخاره علشان تعرفى انا مناسب ولا لا
بندقه :ياريت دى تكون اخر مكالمه بينا

النهــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــايه

قصه واقعـــــــــــــــــــــــــــــــــــيه

أرجو التعليق

السلام عليكم
باين كدا ان بندق كان بيحب بندقه بس انا شايفه انها متستهلش حبه لانها باعته من غير اى سبب مقنع
ثانيا هى اصلا باين انها مكنتش بتحبه يعنى لوكانت بتحبه عمرها ماهتسيبو حتى لو هيقتلوها
يعنى ازاى يقولها انو هيتقدملها ويحققو حلمهم وهى تقولو لا مش هنرتبط
وبعدين انا شاكه فى موضوع السنه ونص دى لان لو كان شهر كان زمانها قدرتك ومابعتكش تيجى بعد عشرة سنه ونص تبيعو
شكل بندق ده طيب على العموم الدنيا دى مش محتاجه طيبه
نصيحه :ياريت ندعى كلنا عليها

السلام عليكم ورحمة الله وبركاته
اولا دى ممكن تكون اول واخر مشاركة ليا على المنتدى دة بس بما انى فهمت من خلال الحوار قصة الموضوع اللى داير ياريت مادام كان فى حاجة حلوة بنا فى يوم من الايام حاجة حلوة بنا فمحدش يغلط فى حد اقلكم حاجة وبصراحة اى ولد حتى لو كان غلطان بيحكى القصة ويشتم على اللى كان بيحبها ويقول بعتنى طب مايقف مع نفسه وقفه صغيرة ويفكر ايه اللى هو عمله علشان يحافظ على حبه هى ادله فرصه وقالتله انا هقف جنب استنى لما ضاعت من ايده ويقلها انا جيلك بعد بكرة وانا تعبان من غيرك طب ما كان عندك فرصة بس انت اللى ضيعتها عارف ليه علشان لما كانت هى الامل الوحيد اللى انت عايش عليه مفرقش معاك سبتها فى مشكلتها لو حدها تحلها مع نفسها كنت انت فين سعتها .........؟؟؟؟
اكيد لما كانت هتبقى فى ايدك مش هتفرق معاك لما هو الموضوع من قبل ما تبقى فى ايدك مافرقتش معاك معلش اعذرنى يمكن تكون كلماتى قاسة شياء ما ولكنها الحقيقة ودائما ما تكون الحقيقة قاسية صدقنى انتم الاثنين ظلمتم انفسكم لانكم تعاهتم على الزواج وعلى انكم زوجين امام الله وهو ليس من حقكم من ادراك انها لك وانك لها انا ارى ان هذا الحب اذا ما كان اكتمل ما كان لله ان يبارك لكما فيه اتعلما لماذا لانه بنى على خطاء منذ اول يوم له
واخيرا ادعوا الله لها ولك بالتوفيق وبالحياه السعيدة

اولا اشكرك على اهتمامك
ثانيا:هو متفرجش عليها وهى كانت فارقه معاه كويس اوى لو هى بصيت لاى حاجه جايبهالها او اتفرجت على اى فيديوهات ليهم هتعرف اد ايه هى كانت فارقه معاه اوى
وغير كدا هو موقفش يتفرج هو عنده مشروع وبيدخل دخل كويس اوى وقاللها ان فى شغل حكومه قدامه وبرضه سابته فبالله عليكى ازاى ماكنش بيفكر فيها وغير كدا اللى بينا متبناش على غلط
لما تقولى انها لو فكرت بقلبها هتختارنى ولو بعقلها هتختار العريس
طيب كان فين العقل كل الوقت ده؟؟؟؟؟؟؟؟؟؟
دى كانت منعانى اروح لاهلى علشان متعملش مع بنات
ياترى دى كانت ديكتاتوريه ولا هتعمل معاه نفس الشئ
لما اسألها واقولها انتى بتحبيه ولا لا
وتقولى ساعات اه وساعات لا يبقى فين الحب؟؟؟؟؟؟؟؟؟
وغير كدا هى وقفت معاه فى ايه دى معملتش حاجه تذكر غير انها قبلت العريس
تعرفى
بندق كان مع واحد صاحبه من شويه وسأله انت خاسس ليه كدا قالو شوية تعب
عارفه صاحبه قالو ايه قالو ايه ياعريس ده انت هتخطب اول اربعه اللى جى
عاوز العروسه ترفضك وتقول انك مخستع قولتلو خلاص هتتخطب
شتمنى وقاللى انت مش راجل انت لو بتحبها بجد تروح وتعمل المستحيل علشان ميتمش كدا
تلاقيها ياعينى بتعيط دلوقتى وكرهتك علشان مش بتعمل حاجه
قولتلو انت عارف بعد اليوم ده اللى كان متقدملها العريس كلمتها بالليل علشان اعرف عملت ايه ورفضته ازاى لقيت تليفونها مشغول ساعتين
عارف كانت بتكلم مين
كانت بتكلمو
والله العظيم مصدقش وفضل ربع ساعه مبلم قاللى ده لو حد بيحب حد شهر مش هيعمل كدا يبقى بعد عشرة سنه ونص يقدر الموضوع يابنى فيه سر
اكيد حد كرهها فيك
قولتلو انها كانت مستحيل تكرهنى
قاللى مبقاش فى مستحيل
قولتلو بصراحه بعد التجربه دى فعلا مبقاش فيه مستحيل
وغير كدايا اختى الفاضله انا مش بتكلم عن عيوبى او عيوبها
انا بتكلم ان ازاى هى تقبلو بكل سهوله كدا وتنسى واحد فضلت تحبه الوقت ده كلو
بذمتك ده تسميه ايه حب؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
انا معترف انى كلى عيوب
بس انها تتفق معايا انها هترفضو وتيجى بالليل تحبه
لو ولعتى لمبة الحمام وسبتيها شهر هتفضل قايده بس لما تضغطى على الزرار هتقفل بكل بساطه
حياة بندق وبندقه بندقه كانت متحكمه بالزرارضغطت فقفلت
اعتبرت بندق عربيه قديمه وعاوزه تغيرها فرمتها واشترت واحده زيرو

السلام عليكم

اسفه على الغيبه بس والله ظروف لانى بشتغل فى مضيفه فى مصرللطيران اعذرونى
انا لما دخلت المنتدى ده اول موضوع لقيته كان الموضوع ده
بس انا والله وربنا اللى عالم انا الموضوع ده شاغل بالى قد ايه
ياريت متستغربش يا مادا ولا بقيت الاعضاء
انا زى ماتقولو كدا مريت بظروف شبه الظروف دى وربنا عالم بصدق كلامى
انا عمرى 26 سنه كنت بحب واحد وبيحبنى بس للاسف مكنش بيشتغل واتعاهدنا على الجواز بس النصيب حكم باننا نبعد اتقدملى طيار زميلى واهلى وافقو عليه
وانا مكونتش عارفه اعمل ايه بس رفضت وضغطو عليا اوى بس كان محمود فى بالى ومكونتش عاوزه اسيبو لانو ليه حق عليا وفى وعود وعهود وانا كنت بحبه
حاولت اقبل بالامر الواقع مقدرتش بس سيبت حبيبى وقبلت بالعريس الطيار وحاولت احبب نفسى فيه وحبيته او تقدرو تقولو استريحت له لقيته محترم وشارينى فقولت ده نصيب وانا غصب عنى قبلته

بعد سنه مرت علينا زى ماتكون100سنه لقيته انسان تانى غير اللى حسيته علاقاته كتير اوى وكان بيخوننى على طول
ولما واجهته لقيته بيقولى انو اتجوزنى علشان واثق فيا بس انى مش هقدر اخونو انما مش حب ولا انجذاب زى ماقاللى بالظبط كنبه فى البيت بتاعته وبس المشكله انى كنت حاسه ان ليه علاقات واحنا مخطوبين بس قبلت وقولت انى مش بحبه ده مجرد زوج فمش مهم الغيره

كنت كل شويه ببكى لما افتكر محمود لانو كان بيخاف عليا مش زى التانى
مادا وحياة اغلى حاجه عندك قول لبندق مايسبش بندقه ويحاول يكلمها ويرجعلها لانها اكيد هى بتحبه بس هى على كلامك حست انها متفرقش معاه بس لو ماكنتش تفرق معاه مكنش قاللها انو هيجرى وهيتقدم لها حاول وشوف ايه الى هيحصل وهتدعيلى
انا بنت وفاهمه البنات كويسوحاسه بيها والله حتى من غير ماعرفها انت بتحبها وهى برضه بتحبك هى اتغرت اكيد مش اكتر استحلفك بالله فهمها كلامى ده وهى هتفهم
انا دلوقتى يااصدقائى مطلقه وحياتى اتجنى عليها وحاولت ارجع لمحمود عرفت انو مات بعد جوازى بشهر والله ده اللى حصل انا حاسه انو زنبى والنبى كلمها وارجحلها
علشان المأساه متتكررش

الله مابلغت الله مافاشهد

اولا انا والله كنت فاكر ان مفيش حد هيهتم بالموضوع
مشكور ياعلوكا على اهتمامك وهجاوبك على اسئلتك واتمنى اسمع تعليقك

ج1/كتير اوى

ج2/3مرات

ج3/ربنا اللى عالم انى كنت واقف معاها قد ايه ...بس هيا لقيتنى مش واقف جنبها لما هو اتقدملها وانامش عارف كنت هقف معاها ازاى

ج4/بندقه كانت مخططه له حياته فكانت منجحاها

ج5/عمرى ماحسيت الاحساس ده

ج6/اظن انها حست فى شغله وفى دراسته بس هى اتفهمت الوضع وعرفت انه مش بيخون

ج7/لو عرفت قوللى علشان انا تعبان

ج8/والله العظيم بحبها ..والتضحيات

*انا غاوى تمثيل وهى كانت معارضه وانا كنت بحب الموضوع ده جدا
واتفتح ليا باب قناه فضائيه كنت هشتغل فيها ورفضت علشانها

*كنت متفق معاها انى هقدم فى كليه عسكريه بعد الجامعه ورفضت فامسعتش فىالموضوع

*مكنتش بروح عند اهلى علشان مختلطش باقاربى البنات علشان هى كانت بتغير

بشكرك على اهتمامك بالموضوع وشكرا انك مطلعتنيش ذئب ولا شيطان زى الحزين
انا مبسوط ان فى ناس كتير بتنصفنى لان بندقه ظلمتنى وبندقه بالنسبه لى كانت كل حاجه
فالمفروض اللى يهون عليا ان الناس تكون واقفه جنبى
ثانيا يمكن حكايتك فيها شبه من حكايتنا كتير بس الفرق انى مش هموت علشان هى سابتنى
وعلى العموم انا عامل القصه دى على المنتدى علشان لما الدنيا كانت بتقفل فى وشى كنت بروحلها وكانت بتهون عليا مشكلتى بس هى راحت فحبيت الناس تهون عليا بس الحمدلله على كل شئ
المهم اكيد هى عمرها ماهتشوف الموضوع ده
ببساطه شديده لانها مش بتدخل نت نهائى
فماظنش انى هحل حاجه يعنى بأذن فى مالطه
انا خلاص هرضى بالأمر الواقع يعنى هى نسيتنى لما دخل حياتها واحد تانى رغم الحب والعشره طيب ايه اللى يمنع انى انا كمان ادور على حد بس ماظنش انى هحبه بس هيضيع وقتى وده المطلوب
هى قالتلى ان الدنيا مش بتقف على حد وانا هصدقها
هى قالتلى انى لو رجعت حياتها حياتهاهتدمر وانا هسيبها
على العموم ربنا يوفقها فى حياتها
بس اللى انا متأكد منه انى لو ليا حق عندها ربنا هيرجعو

مشكــــــــــــــــــــــــــــــــــيأحلى أصدقاءــــــــــــــــــــــــــــــــــــورين

بص ياماد اقلك حاجة انا مريت بظروف شبيه بظروفها يعنى كنت فى قصة حب واتخطب لحد تانى علشان ضغوط بس كانت نفسية وانا مش زيكوا انا مكنتش بكلمه بس كنت عارفة متاكدة انه بيحبنى وانا كنت بحبه معرفتش اقله وقتها ان فى حد متقدملى يمكن كلمنا وقتها مكنش يسمح ليا بانى اتصل بيه واقوله فى واحد متقدملى كان نفسى يبقى جنبى وانا واثقة انه كان هيبقى جنبى مش هيستنانى ويشوفنى هرفض الزاى وايه الطريقة اللى ممكن ازحلق بيها العريس دة طب هو مش الموضوع دة مشترك بنا حاجة تخصنى وتخصه بص اقلك سر يمكن انت لسة هتعرفه بس علشان الموقف ما يتكررش معاك تانى البنت فى موقف زى دة بتبقى عايزة حد جنبها عايزة تحس بالامان مش عايزة تعيش مع واحد فى خيلها البنت غير الولد فى الموضوع دة الولد مهما كان ليه حسباته الخاصة وهى ليها حسبتها

مادا انت ليه مش بترد على علينا فى الكلام ده
اولا انا بخص بالرساله دى قمرى الحزين
انتى فعلا بتتكلمى صح وانا فى صفك مينفعش تبقى فى موقف زى ده وتبقى لوحدك لازم يكون هو معاكى بيحسسك انه بيحبك مش انه بعيد عنك وحبيب خيالى
ولو بندق كان مش معاها او واقف جنبها ده كدا يستاهل كل اللى يجراله
متزعلش منى يا مادا لو انت كنت سبت بندقه
متندمش لإن الغلط غلطك والحق عليك انت
مع العلم انك كنت كاتب انك لقيت شغل وكنت واقف جنبها لدرجة انك كنت بتكلمها وبتقولها انك هتتقدملها على طول
فاللأسف موضعك محير وانا مش فاهماه
ياريت اسمع ردك يا مادا لو سمحت لانى بجد محتاره

بصى يادودو ماد قال المفروض كانت ترفضه يعنى تزحلقه وقال انها بعد ما وفقت وقعدد معاه قلها انا هتقدملك بعد بكرة طب ما انت كنت عارف من الاول هو ليه الواحد مبيحسش بقية الحاجة غير لما تروح من اديه ...........
على فكرة فى حديث بيقول انا مش حافظة نصه بس عرفاه ودة مضمونه لا يخطب احدكم على خطبت اخيه ....... يعنى دة منهى عنه انها تسيب واحد علشان واحد تانى انت كان قدامك فرصة وفرصة كبيرة ......... واقلك كلمة هى لو كانت عملت كدة تبقى شخصية مش محترمة لو سابت واحد علشان واحد ......... وانت اول واحد هتقول عليها كدة مش ف سعتها بس لما حبكوا يهداء شوية وتبداء تفكر بعقلك شوية حتحس بكدة ومن غير متقصد تصرفاتك هتقول كدة

أولا انا بعتب عليك يامادا لان القصه بتاعتك وانت مش بترد علينا واحنا اللى بنتعبلك وبنرد وبنتشاور فيها
الظاهر كدا ياقمرى الحزين بندق رجع لبندقه ونسينا هههههههههههه

تسمحيلى بس اعلق على كلامك
اولا الحب موجود ولو اتمحى من الارض هتتحول جحيم
ثانيا احب ارد عليكى
انت بتقولى ان الحديث بيقول لا يخطب احدكم على خطبة اخيه
بندقه على كلام مادا متخطبتش
ثانيا هى ايه اى واحد يدفع اكتر يشيل البضاعه ههههههههه

هى خانت بندق لانها سابتو لو كانت فعلا بتحبه كانت هترفض العريس علشانه مش هو بيقول انو بيحبها
وغير كدا ازاى الاحلام اللى بنحلمها ونتمناها تضيع بسهوله كدا ازاى تهون على حد حب بجد
والله انا لو اعرف اوصل لبندقه دى والله ما هسيبها غير لما ترجعله
حرام يتجنى على حب وعلى حد كل ذنبه انه اخلص وحب بجد من غير تفكير
هو المفروض يعنى جزاء الحسنه الاساءه ولا ايه
انما هى كانت بتتسلى بيه اصل بصراحه واضح ان بندق ده طيب اوى وغلبان وبيتخدع بسرعه انما ربنا يصبرو وياريت يتعلم من غلطه
والمفروض انه كان حاسس بقيمة بندقه لانه كان بيتكلم معاها يوم ماتقدملها العريس وهى ضحكت عليه وقالتلو انها هترفضو يعنى هو اصلا شاريها وهى خانته
وهى غلطانه اصلا لانها سابت بندق علشان العريس ده فهى سابت واحد اهو علشان واحد
وغير كدا لو بندقه بتفكر تفكيرك ده
تبقى كدا عندها جبروت مالهوش حدود لانها بتبيع نفسها للى يدفع اكتر
المفروض نشترى اللى يشترينا ومنخنش حد حبنا بجد مهما كانت الظروف
مينفعش واحده تقول انها كانت فرصه وضاعت
ونصيحه منى لو كانت بتفكر كدا سيبك منها يامادا
انا اسفه ياقمرى بس انا عارفه انك بتحاولى تهونى عليه بس كلامك جارح شويه لانك منحازه ليها زياده عن اللزوم بس والله انا بقول وجهة نظرى وشهادة حق ربنا يحاسبنى عليها

السلام عليكم ورحمة الله وبركاته
احب اعرفكم بنفسى انا وحيد صاحب مادا وقاعد معاه فى المكتب بتاعه وعايش قصته
تسمحولى اكون عضو فى المنتدى ده
واشارك فى الموضوع اللى لفت نظرى اوى ده
لانى عارف بطل القصه معرفه شخصيه
اولا انا قريت الردود والموضوع
اولا يادودو مادا مش هيقدر يكتب حاجه اليومين دول لانه تعبان اوى
وانشاء الله هيرجع قريب
ثانيا هو مرجعش لحبيبته
ثالثا عاوز اعرف الكل ان مادا مكنش بيتسلى بيها انا اول مره فى حياتى اشوفه بالشكل ده ده مدمر نفسه سجاير وضياع خالص مش بيخرج ولا بيروح حته ولا عاوز يشوف شغله وبيخترف وهو نايم فى كلام مش فاهمه او مفهمتوش غير لما قريت الموضوع بالصدفه لانى شوفت مادا بيدخل على المنتدى ده كتير فدخلت وقولت اشترك ولقيت الموضوع ده
مادا تعبان بسببها حاسس انه متكتف ومش لاقى اى حاجه فى اى حاجه
عارفين مادا من حوالى اسبوع كان اسعد واحد شوفته فى حياتى وكان بيقولى باركلى علشان كان هيخطب الشهر الجى ولقى شغل حلو بس هو دلوقتى رفض الشغل ده وسابه
انا مش عارف هو اللى بيعمله فى نفسه ده هيجيب نتيجه ولا هو بيموت نفسه وخلاص
انا اول مره اشوف حد بيحب حد كدا عارفين كان بيكلمها بالساعات وكان بيبقى فرحان لما بيجيلنا علشان كان واخد شحنة سعاده منها
طول ماهو نايم بيفضل يخطرف ويقول بندق بندق
ومكنتش اعرف مين بندق ده بس عرفت بعد كدا انها بندقه لما قريت القصه
انا مش عارف اعمله ايه حاولت ادور على رقم بندقه على موبايله علشان اخلى واحده قريبتى تكلمها بس ملقتوش
بس عارفين مادا على طول لابس دبله وبدخل عليه كل شويه بلاقيه ماسك صوره وحضنها وبيبوسها بس لما يشوفنى بيخبيها بسرعه
والله انا مستحرم اللى بيحصل ده بس مش عارف اقول ايه
مادا بيحبها اوى ومش هتلاقى حد يحبها كدا
عارفين لما مادا كنت بسألو انت مرتبط بمين ولا هى فين عارفين كان بيقولى ايه
كان بيقول انه بيحب واحده تعتبر فى مقام امه واخته وبنته ومعوضاه عن اى حاجه
بس هو مقالش انه سابها انا عرفت بالصدفه من المنتدى ده

يارب بندقه تدخل المنتدى ده وهى هتعرف هو بيحبها قد ايه وهى اكيد هترجعله
علشان مش هيهون عليها اللى هو فيه ده

اولا انا بعتب عليك ياوحيد علشان انت عارف ان اللى انت عملته ده غلط
ثانيا انا الحمدلله بخير
ثالثا وده الاهم
انا عاوز ارد على دودو وقمرى الحزين
اولا قمرى الحزين:بصى ياقمرى بندقه قالتلى ان ما بنى على خطأ فهو خطأ
هى دلوقتى بتكلمه على الموبايل من غير مايكون فى حب ولا ارتباط رسمى يبقى ده خيانه لأخوها وده شئ على كلام بندقه زمان غلط
ثانيا هى كانت مبهدله بندق علشان موضوع السجاير وقالتله انها لو مكنتش بتحبه مكنتش هتتجوز واحد بيشرب سجاير فى حين ان العريس الجديد مدخن طيب ازاى اتنازلت عن كدا
ثالثا: عاوز الفت نظرك لحاجه انها مينفعش تسيب العريس علشانه لانها مينفعش تسيب واحد علشان واحد تانى هى فعلا سابت بندق علشان واحد هى لسه متعرفوش اذا كان هيسعدها ولا هيبهدلها
رابعا بندق مكنش بيشحت من بندقه الحب يعنى مبسش ايديها علشان تزحلق العريس لا هى اللى ضحكت عليه واقنعته انها هترفض


ثانيا دودو: مادا يمكن اه يكون طيب وغلبان بس مش اهبل
لان بندقه مش وحشه بالعكس انا لو رجع بيا الزمن لورا تانى هختار بندقه

بس تعرفو انا لغاية دلوقتى لسه بحبها والله العظيم بحبها
لا اله الا الله محمد رسول الله

[/center][/size][/center]

اقتباس :

[quote="mada"]

يامن تركتينى وحيدا اعانى ظلمات الطريق يامن اجبرتينى ان اتنازل عن حقى
يامن خدعتينى عودى لى فإن حبى لكى لن يصدأ ولم ولن اترك يدا مدت لى فى وقت غرقى
يامن رأيتى دمعتى فلم يهتز قلبك سأسامحك من أجل قلبك وقلبى
يامن ترى نهايتى وتضحكين لا تضحكى فإن ضحكك يجرح ويدمر فى نفسى
يامن لا تشتاقين لى حنى حنى لقلب اعطاكى الحنان واهداكى نبضى
ألم تشعرى بقلب قتلتيه بيدك لماذا ستتركين قلبا يموت وحيدا ياحبى
أحبك جديا ولن انساكى وكلى امل ان تعودى وتحققى حلمى
بالله عليكى قولى لى هل ستعودين ام ستجهضى قلبى وحبى واملى
هل تتذكرين ايامى هل تذكرين الاحلام والامال هل ستتركينى يا أمى
بعد غدا سيكون عيدك عندى فهل ستحتفلين معى ام ستتركينى اعانى وحدى
انتى امى التى حرمتينى انتى منها فهل ستعودين ماده يدك نحوى
ام ستتركينى وتحتفلى مع أخر تتخيلين انه جاء قبلى
يوم عيد عند كل الناس ولكن بدونك هو يوم موتى
هلا تسترجعين فى الماضى عندما قلت لك يا امى
هل تذكرين كلامك انك ستعوضينى عن امى
اعطيتينى الحنان وتركتينى فى طريق مظلم والعذاب يجيئ نحوى
يامن تخططين للنيل من سعادتى الا ترفقى بحالى وتذكرين حبى
أمى وأختى وحبيبتى انتى لا تتركينى اعانى من الفراق وعودى لقلبى
لا تستهزئى بكلامى فهو والله نابع ومخلص من قلبى
بعد فراقك ضاقت بى الدنيا وزاد وتعبنى حملى
ياأحلى عذاب تعذبته لا اتمنى ان تجرعى من كأسى
فهو كأس سم اعطيتينى اياه لاموت وتفرحين بموتى
كذبى كلامى وإن خدعتينى لا تقولى فهذا يهون ذنبى
اذكرينى دائما ولا تتركى ذكراى تتبدى وتذهب هبائا منى
يامن دخلتى قلبى وعودتيه على السعاده لماذا زرعتى به بؤسى
دائما احبك واعيش على أمالى فى عودة حبيب ضاع منى
هل تذكرين اول اسم ناديتكى به ألا وهو بندقتى

اقتباس :

اسفه جدا على المقاطعه لكن بجد انا كنت مكتئبه علشان موضوعك انت وبندقه
وعماله افكر لحد لما كان هيجيلى انهيار
بندق انا شايفه ان بندقه متستهلش الكلام ده دى خاينه سيبها بقى وشوف مستقبلك
ورجاء بطل سجاير وفكر فى نفسك واللى يبيعك بيعه

من باعك بيعه وسيبه لان لو جالو فرصه تانيه يبيعك هايبيعك وصدقنى ياصاحب القصه انسى الهم والمشاكل وصدقنى هتبداء من جديد حياتك وهتنسى الحب ده لانو مش حقيقى الحب الحقيقى هو الى يدوم طوال الابد